ALAMA SITA ZA MWENYE ENZI MUNGU PART 1

Asalaam Aleiykum

Siku katika masiku ya mahudhurio yangu kwenye maziko nilifatwa na Mtu  baada ya kuzika na kwa Mfadhaiko mkubwa akaniuliza hivyo Mzee wangu ndio kalala pale kaburini?, Hivi ndio utakua mwisho wetu wote sisi?, hivi tutakaa Kaburini kwa Muda gani?, Na nini habari ya lile dongo unalofunikwa nalo?. Nijulishe Mzee wangu ana hali gani sasa hivi. Nikamwambia uwepo wako ni ishara ya Mwenye enzi Mungu lakini kwa kuwa Akili yako imeshughulika na mambo mengine huzioni Ishara hizo, kwa wale wenye kufahamu Ishara za Mwenye enzi Mungu wanaelewa siku ya kuzaliwa(au Kutunga mimba)unaletwa na Malaika, Na siku ya kufa kwako pia unachukuliwa na Malaika.
وَمِنۡ ءَايَـٰتِهِۦۤ أَنۡ خَلَقَكُم مِّن تُرَابٍ۬ ثُمَّ إِذَآ أَنتُم بَشَرٌ۬ تَنتَشِرُونَ
Na Katika Ishara zake (Za kuonyesha uwepo wake)Ni huku kukuumbeni kwa udongo, kisha mekua watu mnaonea (Kutapakaa kila sehemu).
Mwanaadamu (Nature)yako ni udongo kwa hiyo usishughulike sana wakati unakwenda kwenye (Re-Cycle Process) Umeumbwa kwa udongo na unarudi kwenye hali ile ile ya udongo, wewe ni udongo kama lilivo jabali, ukuta, mti lakini najua khofu yako iko pahala pamoja, vipi itakua utakapofukiwa kwenye Ardhi, ndio maana Mtume s.a.w akahimiza nendeni makaburini, hudhurieni maziko, ukipata ufunuo wakuwa udongo unafukiwa wewe unabaki, Utapata nafuu fulani, utapata unyenyekevu kwenye Moyo wako wakutafuta Nani huyu Mwenye kubaki, Na Nani huyo Mwenye kujua kama anabaki, Na akibaki anakwenda wapi, Ukipata kuigundua hiyo (Separation) ndio utajua nini dini,Nani Mwenye Enzi Mungu, sio kusoma haisaidii lazima upate (Feeling) hizo wewe Mwenyewe, ujiulize nani huyu Mwenye wasiwasi wa kuzikwa, halafu ujiulize nini itakua habari yangu mimi, jibu langu kwa yule mtu likawa hivi, Ama kuhusu (Body)yako kweli inaoza chini ya Ardhi, lakini kuna kitu chengine Adhimu, kuna hiyo (Spirit)au Roho ndio wanopanda nayo Malaika na kuipeleka inapotakiwa(Huko Barzaq), kwa hiyo Binaadamu vitu viwili (Udongo)ni guo au jumba la kukaa hiyo Roho , na cha Pili ni hiyo Roho ndio yenye dhamana yote ya Maisha yako.
Naam na Ishara ya Pili ni hii:
وَمِنۡ ءَايَـٰتِهِۦۤ أَنۡ خَلَقَ لَكُم مِّنۡ أَنفُسِكُمۡ أَزۡوَٲجً۬ا لِّتَسۡكُنُوٓاْ إِلَيۡهَا وَجَعَلَ بَيۡنَڪُم مَّوَدَّةً۬ وَرَحۡمَةً‌ۚ إِنَّ فِى ذَٲلِكَ لَأَيَـٰتٍ۬ لِّقَوۡمٍ۬ يَتَفَكَّرُونَ
Na Katika Ishara zake (Za kuonyesha Ihsani zake juu yenu) Ni kuwa Amekuumbieni wake zenu katika jinsi yenu ili mupate utulivu kwao, naye ameyajaalia mapenzi na huruma baina yenu, Bila shaka katika haya zimo ishara kwa watu wanaofikiri.
Watu gani wenye kufikiri ni wale walogundua kuwa huyu Mwenzangu ni nusu ya mimi, Nabii Adam alikua na Bibi Hawa Mbinguni wakafukuzwa ikisha wakapoteana, Na wewe na huyo ulonaye pia mlipoteana, Na sasa mekutana mpo pamoja na hizo ni ishara kubwa kama utazingatia, jiulize kwanini unaacha watu wote mpaka unamuoa fulani, imekuaje habari hiyo, mekutana vipi?, kwanini ikawa huyo ulonaye, Na katika Ishara zake mwanzo yanazuka mapenzi yakimalizika inabakia Rehma au ita huruma, unajua nini huruma?, Mapenzi ni Furaha, huruma ni kujitolea bila ya Masharti kama wafanyavo waume kwa wake zao na wake kwa waume zao.
Endelea part 2

ALAMA SITA ZA MWENYE ENZI MUNGU PART 2

Asalaam Aleiykum

وَمِنۡ ءَايَـٰتِهِۦ خَلۡقُ ٱلسَّمَـٰوَٲتِ وَٱلۡأَرۡضِ وَٱخۡتِلَـٰفُ أَلۡسِنَتِڪُمۡ وَأَلۡوَٲنِكُمۡ‌ۚ إِنَّ فِى ذَٲلِكَ لَأَيَـٰتٍ۬ لِّلۡعَـٰلِمِينَ
Na katika ishara zake(Za kuonesha uweza wake)Ni kuumba Mbingu na Ardhi, Na kuhitalifiana lugha zenu na rangi zenu, Kwa yakini katika haya zimo ishara kwa wenye ujuzi.
Sasa hivi tunapata Maalumati kutoka kwa wanasayansi vipi Mbingu ilivyo na Ardhi ilivyo. Ama kwa wenye ujuzi ni wale walotambua kuwa Mwenye enzi Mungu hana Lugha, lugha kakuumbieni nyinyi ili mpate kuwasiliana na hayo yamo kwenye (Utility)ya Akili, Na hilo la Rangi limo kwenye (Geographical Location). Wepi wenye ujuzi ni wale wenye kufanya utafiti(Wanasayansi).

وَمِنۡ ءَايَـٰتِهِۦ مَنَامُكُم بِٱلَّيۡلِ وَٱلنَّہَارِ وَٱبۡتِغَآؤُكُم مِّن فَضۡلِهِۦۤ‌ۚ إِنَّ فِى ذَٲلِكَ لَأَيَـٰتٍ۬ لِّقَوۡمٍ۬ يَسۡمَعُونَ
Na Katika Ishara zake(Za kuonesha hekima yake)Ni kulala kwenu usiku na (Kuamka)Mchana, Na kutafuta kwenu Fadhila yake, Hakika katika hayo zimo ishara kwa watu wanaosikia. Hakuna Mwanaadamu anoweza kuepuka kulala, ukiweza kukaa macho baada ya miezi miwili utaanza kusema peke yako na ukifika mwezi wa tatu unakufa, Na yale maajabu yakutafuta riziki kwa wengine kupewa zaidi na wengine kupewa kidogo. Wepi wenye kusikia ni wale Waloamini dalili za Mwenye Enzi Mungu.

ALAMA SITA ZA MWENYE ENZI MUNGU PART 3

Asalaam Aleiykum

وَمِنۡ ءَايَـٰتِهِۦ يُرِيڪُمُ ٱلۡبَرۡقَ خَوۡفً۬ا وَطَمَعً۬ا وَيُنَزِّلُ مِنَ ٱلسَّمَآءِ مَآءً۬ فَيُحۡىِۦ بِهِ ٱلۡأَرۡضَ بَعۡدَ مَوۡتِهَآ‌ۚ إِنَّ فِى ذَٲلِكَ لَأَيَـٰتٍ۬ لِّقَوۡمٍ۬ يَعۡقِلُونَ 
Na katika Ishara zake (Za kuonesha nguvu zake) Ni kukuonesheni umeme kwa (Kukutieni)Khofu na Tamaa (Ya kuja mvua),Na kuyateremsha maji kutoka mawinguni, kwa hayo huifufua ardhi baada ya kufa kwake, Bila shaka katika haya zimo ishara kwa watu wanofahamu.
Ni ishara ya Umeme inayomshitua Mwanaadamu ndio maana hata ukifa kwa umeme au umenasa kidogo kwenye Umeme  wanasema (Electric Shock), limetumika neno la kufufuliwa ili upate kujua mfano huo wa kufufuliwa ardhi na wewe umekuhusu, kama unafahamu sawa sawa au umeishughulisha akili utafahamu kuwa Ardhi inaishi kama unavoishi wewe, kwanini isiwe hivyo wakati wewe Mwenyewe Ardhi tupu, na ndio ukichunguza kwa undani utaona tafauti baina yako na (Body)Mwili wako, mnafanya kazi mbili tafauti, (Body) yako inafanya kazi zake (Automatic) na wewe Mwenyewe ni (Manual)lakini bado hujazipata fahamu hizo.
وَمِنۡ ءَايَـٰتِهِۦۤ أَن تَقُومَ ٱلسَّمَآءُ وَٱلۡأَرۡضُ بِأَمۡرِهِۦ‌ۚ ثُمَّ إِذَا دَعَاكُمۡ دَعۡوَةً۬ مِّنَ ٱلۡأَرۡضِ إِذَآ أَنتُمۡ تَخۡرُجُونَ
Na katika Ishara zake(Za kuonesha uwezo wake)Ni kuwa Mbingu na Ardhi zimesimama Kwa Amri yake, kisha atakapokuiteni wito mmoja tu (Nyote) mtatoka Ardhini.Ikiwa unafikiri, au una ujuzi, pengine unasikia au unafahamu basi katika Ulimwengu huu kuna sheria Mbili za Maumbile nazo ni (Levitation na Gravitation) ndio zilofanya Mbingu na Ardhi kusimama katika hesabu zake, Na itakapopulizwa hilo Baragumu (Sonic sound). Kumbuka hivi sasa Meumbwa kutokana na hiyo Ardhi na litakapopigwa parapanda hiyo hiyo Ardhi ndio itakukusanya tena kukupa (Body)mpya ili usimame Mbele ya Mollah wako. Huo ndio uwezo wa Mwenye enzi Mungu na ndizo Alama anazotupa ili tuzingatie tupate kumkumbuka yeye Muumba wetu.